Skólastyrkir til háskólanáms

American Scandinavian Foundation og Íslensk-ameríska félagið auglýsa til umsóknar styrki fyrir framhaldsnám (mastersnám eða doktorsnám) í Bandaríkjunum skólaárið 2024-2025.

Styrkirnir eru veittir framúskarandi umsækjendum sem hafa staðfestingu fyrir skólavist í fullt framhaldsnám (mastersnám eða doktorsnám) í bandarískum háskóla. Ekki er veittur styrkur til þeirra sem sækjast eftir skiptinámi í Bandaríkjunum. 

Umsækjendur skulu vera íslenskir ríkisborgarar og hafa lokið (eða ljúka í vor) námi til fyrstu gráðu á háskólastigi (B.A., B.Sc., B.Ed., eða sambærilegri gráðu). Ef staðfesting á skólavist hefur ekki fengist er umsóknin metin með þeim fyrirvara að staðfesting berist sjóðnum síðar.  Vinsamlegast athugið að styrkurinn er einnig í boði fyrir þau sem þegar hafa hafið framhaldsnám í Bandaríkjunum þegar sótt er um.

Styrkirnir eru veittir til eins árs. Upphæðir styrkjanna eru mismunandi en undanfarin ár hafa styrkupphæðir verið á bilinu $2.000-5.000. 

Umsýslugjald fyrir hverja umsókn er 13.000 kr. og greiðist inn á reikning 0301-26-003706, kt. 660169-0679. Umsókn telst ekki gild fyrr en umsýslugjald hefur verið greitt. Umsýslugjaldið er óendurkræft.

Umsóknarfrestur er til og með 10. mars 2024

Umsóknareyðublaðið skal fylla út rafrænt á ensku og má finna á vefsíðu American Scandinavian Foundation. Nauðsynlegt er að stofna aðgang að kerfinu en með því móti er hægt að vista umsóknina og koma að henni aftur áður en hún er send inn. Upplýsingar um meðmælendur skal setja inn í umsóknina en kerfið sér um að senda á þá beiðni um umsögn. Ekki er hægt að nálgast gögn frá meðmælendum úr kerfinu eftir að umsókn hefur verið send inn. 

Fyrirspurnir skulu berast á netfangið iceam@iceam.is